Босану мерзімін анықтау

Жүктілік мерзімі туралы ақпарат және оны анықтау жолдары

Жүктіліктің басталу күні бойынша босану мерзімін есептеу. 

  Жүктіліктің басталу күні ретінде көбіне соңғы етеккірдің алғашқы күні алынады. Осы күнге 280 күн немесе 40 апта қосып болжамды босану мерзімін есептеуге болады. Бұл - акушерлік мерзім болып саналады, және ең қарапайым әрі жиі қолданылатын тәсіл болып табылады.

Овуляция күні бойынша есептеу мүмкін болады ма?

Овуляция күні бойынша босану мерзімін есептеу мүмкін болады. Егер әйел өзінің нақты овуляция күнін білсе, немесе жыныстық қатынас болған мерзімін білсе, оған 266 күн немесе шамамен 38 апта қосу арқылы босану пен жүктілік мерзімін анықтауға болады. Бұл әдіс нақтырақ болуы мүмкін, әсіресе етеккірі тұрақты әйелдер үшін.

УДЗ және басқа әдістер арқылы босану мерзімін анықтау
 УДЗ бойынша ақпарат қаншалықты дұрыс болады?

                                                                                   
Жүктіліктің ерте кезеңінде жасалған УДЗ (ультрадыбыстық зерттеу) бойынша алынған ақпарат босану мерзімін анықтауда өте дәл болып саналады. Әсіресе, көптеген жағдайларда, 6–12 апталық кезеңде жүргізілген УДЗ ұрықтың мөлшері мен даму деңгейіне сүйене отырып, жүктілік мерзімін дәл есептеуге мүмкіндік береді. Бесінші аптадан кейін ұрықтың визуализациясы туралы айтуға болады. УДЗ оның тәж-бүйрек өлшемін – дененің басынан белге дейінгі ұзындығын өлшейді, 6-7 аптада ол 7-10 мм болады. 

Әрбір бала үшін босану мерзімі әртүрлі болуы мүмкін

Әрбір жүктілік ерекше, сондықтан босану мерзімі де әртүрлі болуы мүмкін. Кейбір сәбилер 38 аптадан бастап дүниеге келсе, басқалары 41 апта мерзімінде бірақ туылады. Бұл ана организмінің ерекшеліктері мен нәрестенің дамуына байланысты. Сондықтан босану мерзімі нақты емес, тек болжамды күн ретінде есептеледі. Сонымен қатар, белгіленген мерзімге жақындағанда, жүкті әйелдің қозғалуы, жүруі және босану күнін күту қиын болуы мүмкін, сондықтан 37 аптаға дейін күту маңызды - бұл кезеңді жетілген жүктілік деп атайды, яғни осы сәттен бастап босану процессі басталған жағдайда нәресте толыққанды дамыған болып саналады.

 Жүктіліктің барысы бойынша дәрігер бақылауы неге қажет?

Жүктіліктің барысы бойынша дәрігер бақылауы ана мен баланың денсаулығы үшін өте маңызды. Дәрігер жүктілік мерзімін дұрыс анықтап, ұрықтың дамуын қадағалап, ықтимал асқынулардың алдын алады. Сондай-ақ, мерзімі жақындағанда босануға қажетті дайындық жұмыстарын жүргізуге көмектеседі. Тұрақты бақылау – сәтті жүктілік пен қауіпсіз босанудың кепілі. Дәрігердің бақылауында болу өте маңызды және егер жүктілік немесе босану кезінде асқыну қаупі жоғары болса, ол міндетті түрде тез шара қолданады және емдеу жоспарын тағайындайды.

Бірнеше әдісті біріктіріп қолдану мүмкін болады

Жүктіліктің мерзімін дәлірек анықтау үшін бірнеше әдісті біріктіріп қолданады, сол кезде ол тиімді болады. Мысалы, соңғы етеккір күнінен, овуляция уақыты және ерте кезеңдегі УДЗ нәтижелері бірге қарастырылады. Бұл тәсіл әр әдістің шектеулерін толықтырып, босану мерзімін неғұрлым нақты болжауға мүмкіндік береді. Дәрігер осы ақпараттарға сүйене отырып дұрыс жоспар құрады. Босану күні болжамды болғанымен, ол нақты күн деп санауға болмайды, яғни бүл кейде бала ерте немесе кеш туылуы мүмкін дегенді білдіреді. Сондықтан шамамен 2 апта бұрыннан бастап дайын болу ұсынылады.